ශ්රී ලංකාවේ පැරණිතම මූල්‍ය සමාගම වන අපගේ ඉතිහාසය වසර හැටපහකට අධික කාලයක් පුරාවට දිවෙන්නක් වන අතර විශ්වාසය, අවංකභාවය සහ ස්ථාවරත්වය නියෝජනය කරන වෙළෙඳ නාමයක් ලෙසින් පරම්පරා හතරකට මූල්‍ය සේවා සපයමින්, ඔවුන්ගේ ජීවන තත්වය නංවාලීමට නිරන්තරයෙන් සහාය වූ ආයතනයක් වන්නෙමු.
එලායන්ස් ෆිනෑන්ස් වර්ෂ 1956 ජූලි 18 වන දින එහි නිර්මාතෘවරුන් වන සභාපති අර්ඞ්ලි ඩි සිල්වා සහ සම නිර්මාතෘ ඞී.එෆ්. ඩබ්ලිව් පෙරේරා යන මහත්වරුන් විසින්, ”වියදමට පෙර උපයන්න – අනුන් ගැන පලමුව සිතන්න” යන තේමා පාඨය යටතේ ස්ථාපිත කරන ලදී. මෙම තේමාව එයින් පසු වසර ගණනාවක් පුරාවට අපගේ ව්‍යාපාරයට මග පෙන්වීමක් ලබා දෙමින්, ත්රිත්ව ලාභාදායීත්ව සංකල්පය ලෝකයේ ප‍්‍රසිද්ධ සංකල්පයක් වීමට පෙර මූල්‍ය ක්ෂේත‍්‍රයේ ප‍්‍රථමයෙකු ලෙස ශ්රී ලංකාවට හඳුන්වාදීමට ද හේතු පාදක විය.
එසේම අද වන විට ජයග‍්‍රහණය මුලකොටගත් ප‍්‍රවේෂයකින් යුතු අපගේ උපායමාර්ගික සැලැස්ම ,ලෝකය වඩාත් යහපත් තැනක් බවට පත් කරලීම, සඳහා අපට මගපෙන්වයි. අපගේ ඉලක්කය වන්නේ මූල්‍ය සමානාත්මතාවය ඇති කිරීමත් ආර්ථික විෂමතා තුරන් කරලීමට සහාය වීමත් වන අතර ඒ සඳහා ජාත්‍යන්තර වැඩසටහන් සහ ප්රමිතීන් හා අනුගත වීමත්ය.
වර්තමානයේ එලායන්ස් ෆිනෑන්ස් සමාගම විවිධාංගීකරණය වූ ව්‍යාපාර සමූහයක් වන අතර 100,000ට අධික තනි පුදගලයින්, ක්ෂුද්‍ර ව්‍යවසායකයින් සහ සුළු හා මධ්‍යම පරිමාණ ව්‍යාපාර වලින් හෙබි ගනුදෙනුකරුවන් පිරිසකට දිවයින පුරා විහිදි 86 ට අධික ශාඛාවන් සමූහයකින් සේවා සපයන, සුවිශේෂී ව්‍යාපාරික ආකෘතියක් හරහා තිරසාර වටිනාකම් නිර්මාණය කරන ආයතනයකි.
